Fyrsta keppni í Suðurlandsdeildinni í hestaíþróttum fór fram í Rangárhöllinni, Hellu, í gærkvöldi.
Alls voru 56 knapar voru skráðir til leiks og öttu þeir kappi í 28 pörum. Hvert par skipað einum áhugamanna og einum atvinnumanni.
Í tilkynningu frá Suðurlandsdeildinni segir að sjaldan eða aldrei hefur keppni í parafimi verið jafn sterk og hún var í gærkvöldi. Atriðin vel undirbúin og sýningarnar frábærar.
Þau Ólafur Þórisson og Sarah M. Nielsen leiddu eftir forkeppni og áttu svo aftur frábæra sýningu í úrslitum sem tryggðu þeim sigurinn. Liðsfélagar þeirra í Húsasmiðjunni þau Davíð Jónsson og Katrín Sigurðardóttir áttu einnig virkilega góða sýningu sem tryggði þeim sjötta sæti.
Eftir fyrstu keppni er því staðan í liðakeppninni þannig að Húsasmiðjan leiðir með 102 stig, Byko er í 2. sæti með 98 stig og Smiðjan brugghús í 3. sæti með 89 stig. Fjórtán lið taka þátt í keppninni í vetur.
Hægt er að sjá Parafimi Suðurlandsdeildarinnar á Alendis TV.
