Langbesti árangur Íslands á Evrópumóti áhugakylfinga

(F.v.) Heiðrún Anna, Saga, Andrea og Hulda Clara skipuðu kvennalandslið Íslands á Evrópumóti áhugakylfinga. Ljósmynd/golf.is

Heiðrún Anna Hlynsdóttir og félagar hennar í kvennalandsliði Íslands í golfi urðu í 8. sæti á Evrópumóti áhugakylfinga sem lauk á Upsala golfvellinum í Svíþjóð í gær.

Þetta er langbesti árangur Íslands frá upphafi á þessu móti. Ísland lék gegn Spáni í leik um 7. sætið og tapaði 3-0. Saga Traustadóttir og Andrea Bergsdóttir töpuðu 2/1 í fjórmenningsleiknum, Hulda Clara Gestsdóttir tapaði 4/2 og Heiðrún Anna tapaði 6/5.

Íslenska liðið endaði í 8. sæti í forkeppninni þar sem liðið lék á 221 höggi samtals eða +5.

Lokastaðan:

1. Svíþjóð
2. Þýskaland
3. Danmörk
4. Sviss
5. Ítalía
6. Frakkland
7. Spánn
8. Ísland
9. Tékkland
10. Holland
11. Belgía
12. Slóvakía