Kristinn Sölvi tryggði Uppsveitum sigurinn

Kristinn Sölvi Sigurgeirsson skoraði tvö mörk í dag. sunnlenska.is/Guðmundur Karl

Uppsveitir unnu öruggan sigur á Skautafélagi Reykjavíkur í C-deild Lengjubikars karla í knattspyrnu í dag.

SR komst í 1-0 strax á 6. mínútu þegar Uppsveitamenn urðu fyrir því óláni að skora sjálfsmark. Þeir hresstust þó um miðjan fyrri hálfleikinn þegar Pétur Geir Ómarsson breytti stöðunni í 1-1 og þannig stóðu leikar í hálfleik.

Uppsveitamenn voru sterkari í seinni hálfleik og Kristinn Sölvi Sigurgeirsson kom boltanum tvisvar sinnum í netið og tryggði Uppsveitum 1-3 sigur.

Þetta var fyrsti leikur Uppsveita í riðlinum, liðið er með 3 stig í 2. sæti.

Fyrri greinSterkur sigur hjá Hamri-Þór
Næsta greinIngvar Pétur nýr oddviti D-listans í Rangárþingi ytra