Knattspyrnudeild Selfoss og umboðsaðilar sænska tískuvörumerkisins Kappahl hafa skrifað undir samstarfssamning sem gildir til næstu fimm ára. Samningurinn markar upphaf nýs og spennandi kafla í starfi deildarinnar þar sem Kappahl verður mikilvægur bakhjarl og veitir félaginu öflugan liðsinni á komandi árum.
Knattspyrnudeild Selfoss hefur átt farsælt samstarf vörumerkja sem þau hjónin Lóa Dagbjört Kristjánsdóttir og Albert Þór Magnússon fara fyrir síðastliðinn áratug en nú þegar þau taka við keflinu með Kappahl er um leið kynntur nýr og öflugur bakhjarl deildarinnar næstu fimm árin.
Selfosshöllin verður Kappahl-höllin
Sem hluti af samstarfinu mun Selfosshöllin bera heitið Kappahl-höllin en að auki er kynnt til sögunnar Kappahl-mótið sem byggir á grunni sem spannar um áratug. Með þessu verður vörumerkið Kappahl sýnilegt í hjarta starfseminnar og hluti af daglegu lífi iðkenda, foreldra og stuðningsfólks. Þess ber að geta að styrkur vegna nafnsins á Kappahl-höllinni mun að auki renna til uppbyggingu frjálsíþróttadeildar ungmennafélagsins til jafns við fótboltann.
„Þetta er risastór dagur fyrir okkur. Við erum í raun að undirstrika með undirskrift í dag það samstarf sem spannar yfir áratug með UMF Selfoss. Þetta hefur vaxið og dafnað í gegnum tíðina. Við byrjuðum hérna fyrir 10 árum síðan með vonina, nú er trúin tekin við en við erum full tilhlökkunar fyrir framhaldinu hér á Selfossi,“ segir Albert Þór, umboðsaðili Kappahl á Íslandi
Á næstu dögum verður unnið að uppsetningu Kappahl-merkja og sýnileika vörumerkisins á vallarsvæðinu.
Knattspyrnudeild Selfoss fagnar samstarfinu og hlakkar til komandi ára með nýjum og öflugum samstarfsaðila.
Þess má geta að Kappahl og Newbie opnar á Selfossi 21. mars nk.
