Knattspyrnufélag Rangæinga er úr leik í Gatorade-bikarnum, bikarkeppni neðrideildaliða eftir 0-3 tap gegn 2. deildarliði Hauka í 16-liða úrslitunum á Hvolsvelli í kvöld.
Hafnfirðingarnir gerðu út um leikinn í fyrri hálfleik en þeir komust yfir á 18. mínútu og bættu svo við tveimur mörkum á síðasta korterinu fyrir hálfleik.
Mörkin urðu ekki fleiri og Haukar því komnir í 8-liða úrslitin.
Á morgun mætast Hamar og Dalvík/Reynir í Hveragerði en 16-liða úrslitunum lýkur á miðvikudagskvöld og þá mætast meðal annars Selfoss og Árborg í stórleik umferðarinnar.