Knattspyrnufélag Rangæinga er úr leik í bikarkepppni karla í knattspyrnu þetta sumarið eftir 3-0 tap gegn Haukum í 2. umferðinni í gærkvöldi.
Liðin mættust í knatthúsi Hauka á Ásvöllum og þar komust heimamenn yfir strax á 1. mínútu.
Haukar bættu við öðru marki um miðjan fyrri hálfleikinn og staðan var 2-0 í hálfleik. Heimamenn innsigluðu svo 3-0 sigur sinn þegar rúmt korter var liðið af seinni hálfleik og þar við sat.