Knattspyrnufélag Rangæinga mun spila í nýrri 5. deild karla í knattspyrnu á næsta keppnistímabili.
KFR endaði í 4. sæti D-riðils 4. deildarinnar í sumar og til stóð að liðið myndi spila umspilsleiki við Boltafélag Norðfjarðar um sæti í 5. deildinni að ári.
Boltafélag Norðfjarðar ætlar hins vegar ekki að tefla fram liði á næsta ári, þannig að KFR fær úthlutað sæti í 5. deildinni.
Riðlakeppni 4. deildar karla er lokið. Uppsveitir og Árborg komust í úrslitakeppnina og munu leika í nýrri 10 liða 4. deild á næsta ári, nema liðin vinni sér sæti í 3. deildinni. Hamar og KFR leika í nýrri 16 liða 5. deild sem leikin verður í tveimur riðlum og Stokkseyringar fá sæti í nýrri Utandeild KSÍ.