KFR og Hamar tryggðu sér í dag sæti í undanúrslitum C-deildar deildarbikars karla í knattspyrnu.
KFR og Stokkseyri mættust í Suðurlandsslag á gervigrasvellinum á Hellu og þar var markalaust allt fram á 77. mínútu að Gunnar Flosi Grétarsson kom Stokkseyringum yfir. Rangæingar áttu hins vegar lokaorðið, Helgi Valur Smárason jafnaði metin með mögnuðu marki á 86. mínútu og þar við sat. Lokatölur 1-1.
Hamar heimsótti Hamrana á Greifavöllinn á Akureyri. Guido Rancez kom Hamri yfir á 15. mínútu og staðan var 0-1 í hálfleik. Allt stefndi í sigur Hamars en Hamrarnir komu inn jöfnunarmarki á lokamínútu leiksins og leiknum lauk með 1-1 jafntefli.
Í riðli-3 endaði KFR á toppnum með 13 stig en Stokkseyri er í 3. sæti með 7 stig. Í riðli-4 varð Hamar með 8 stig á toppnum.
KFR, Hamar, Álftanes og Álafoss eða Hafnir fara í undanúrslitin sem fara fram um næstu helgi.