KFR heimsótti ÍR í C-úrslitum 2. deildar kvenna í knattspyrnu í Breiðholtið í dag. Eftir fjörugan leik skildu liðin jöfn, 3-3.
ÍR skoraði strax á 12. mínútu og reyndist það eina mark fyrri hálfleiks. Heimakonur tvöfölduðu svo forskotið á upphafsmínútum seinni hálfleiks en Kristín Sóldís Ólafsdóttir minnkaði muninn fyrir KFR á 51. mínútu.
Kristín var svo aftur á ferðinni á 66. mínútu og jafnaði þar metin og sjö mínútum síðar skoraði Carla Martinez og kom KFR í 2-3. Forystan varði hons vegar ekki lengi, ÍR jafnaði fimm mínútum síðar og þar við sat.
ÍR og KFR eru í efstu sætum C-úrslitanna með 15 stig en ÍR er med mun betra markahlutfall og situr því í toppsætinu.