KFR tók á móti Smára í 1. umferð C-úrslita 2. deildar kvenna í knattspyrnu á Hvolsvelli í kvöld. Rangæingar unnu öruggan 3-1 sigur.
Carla Martinez kom KFR yfir á 28. mínútu og Freyja Magnúsdóttir hélt upp á afmælisdaginn með öðru marki á 34. mínútu.
Staðan var 2-0 í hálfleik en Smári minnkaði muninn í 2-1 á upphafsmínútum seinni hálfleiksins. Rangæingar áttu hins vegar lokaorðið, þær fengu vítaspyrnu þegar tæpar tuttugu mínútur voru eftir af leiknum og úr henni skoraði Kristín Sóldís Ólafsdóttir og tryggði KFR 3-1 sigur.
KFR er í efsta sæti C-úrslitanna með 11 stig en Smári í neðsta sætinu með 1 stig.