KFR tókst ekki ætlunarverk sitt að komast upp í 4. deild karla í knattspyrnu en í dag tapaði liðið seinni leiknum í einvíginu gegn RB.
RB vann fyrri leikinn 2-0 og ljóst að Rangæingar þyrftu að leggja allt undir á Hvolsvelli í dag.
Það gekk ekki eftir, RB komst í 2-0 í fyrri hálfleik og það var ekki fyrr en á 71. mínútu að Helgi Valur Smárason klóraði í bakkann fyrir KFR með marki úr vítaspyrnu.
Lokatölur urðu 1-2 og RB vann einvígið því 4-1 og fer upp um deild ásamt annað hvort Kríu eða Úlfunum.