Lokahóf handknattleiksdeildar Selfoss var haldið þann 18. maí síðastliðinn á Hótel Selfossi. Að venju var mikið um dýrðir en Katla María Magnúsdóttir og Einar Sverrisson voru útnefnd leikmenn ársins.
Hjá kvennaliðinu var Perla Ruth Albertsdóttir markadrottning með 157 mörk og hún var einnig útnefnd besti varnarmaðurinn. Tinna Sigurrós Traustadóttir var sóknarmaður ársins, Adela Eyrún Jóhannsdóttir efnilegasti leikmaðurinn og Hulda Dís Þrastardóttir hreppti baráttubikarinn.
Hjá karlaliðinu var Einar Sverrisson markakóngur með 80 mörk, Tryggvi Sigurberg Traustason var valinn sóknarmaður ársins og Hannes Höskuldsson varnarmaður ársins. Jason Dagur Þórisson var valinn efnilegasti leikmaðurinn og Jón Þórarinn Þorsteinsson fékk baráttubikarinn.
Liðsmenn ungmennaliðsins fögnuðu líka, þar var Valdimar Örn Ingvarsson valinn leikmaður ársins og Patrekur Þór Guðmundsson var markakóngur með 97 mörk.
Félagar ársins hjá handknattleiksdeildinni eru hjónin Kristín Gunnarsdóttir og Jón Bragi Ólafsson og voru þau heiðruð fyrir ómetanlegt sjálfboðaliðastarf í þágu deildarinnar.
Ellefu leikmenn og einn þjálfari fengu viðurkenningu fyrir leikjafjölda. Örn Þrastarson fékk viðurkenningu fyrir 300 leiki, Sverrir Pálsson fyrir 200 leiki og 100 leikja verðlaun fengu
Haukur Páll Hallgrímsson, Richard Sæþór Sigurðsson, Rakel Guðjónsdóttir, Tryggvi Sigurberg Traustason, Sölvi Svavarsson, Elínborg Katla Þorbjörnsdóttir, Vilius Rasimas, Arna Kristín Einarsdóttir, Katla María Magnúsdóttir og Jón Þórarinn Þorsteinsson.
