Karl Ágúst þjálfar í Danmörku

Hrunamaðurinn Karl Ágúst Hannibalsson hefur verið ráðinn þjálfari kvennaliðs Åbyhøj sem leikur í 1. deildinni í Danmörku.

Karl Ágúst hóf ferilinn með Hrunamönnum sem leikmaður og varð seinna þjálfari liðsins auk þess sem hann þjálfaði yngri flokka á Selfossi, hjá Þór í Þorlákshöfn og Breiðablik.

Liðið er nokkurs konar varalið úrvalsdeildarliðs Åbyhøj og hefur átt góðu gengi að fagna í 1. deildinni undanfarin ár. Aðallið félagsins hefur verið í toppbaráttunni í Dameligaen.