Karen Helga Díönudóttir hefur skrifað undir hjá handknattleiksdeild Selfoss og mun spila með liðinu út þessa leiktíð.
Karen Helga hafði lagt skóna á hilluna eftir síðasta keppnistímabil en tekur þá fram aftur og mun væntanlega hjálpa ungu liði Selfoss mikið með reynslu sinni í þeirri baráttu sem framundan er við að halda sætinu í Olísdeildinni.
Karen Helga er mjög öflugur miðjumaður með mikla leikreynslu en hún hefur leikið með Haukum allan sinn meistaraflokksferil þar sem hún hefur verið fyrirliði liðsins til margra ára.