Kara Rún Árnadóttir, Þuríður Guðjónsdóttir og Carmen Palamariu framlengdu í sumar samninga sína við handknattleiksdeild Umf. Selfoss og munu leika með liðinu í Olís-deildinni í vetur.
Þær spila allar stórt hlutverk í liði Selfoss sem hefur keppni á Íslandsmótinu á morgun laugardag.
Selfoss fær þá KA/Þór í heimsókn en leikurinn fer fram í Vallaskóla kl. 13:30.
Norðanstelpur eru nýjar í deildinni en Selfoss er með ungt og efnilegt lið sem spilar nú sitt annað ár í Olísdeildinni. Gengi liðsins í fyrra var eins og væntingar stóðu til en það verður gaman að fylgjast með stelpunum í vetur, undir stjórn Sebastians Alexanderssonar.