Knattspyrnukonan Júlíana Dögg Önnudóttir Chipa, leikmaður Hamars, er gengin til liðs við Mgarr United á Möltu.
Júlíana, sem er fædd árið 2000, er uppalin í Fram, en hefur síðustu tvö tímabil spilað í Hveragerði. Hún á að baki 18 leiki og 3 mörk í deild- og bikar með liðinu.
Júlíana samdi við Mgarr United sem spilar í úrvalsdeildinni á Möltu og mun leika með liðinu fram að sumri og snýr þá aftur til Hveragerðis áður en Íslandsmótið hefst hjá Hamri.