Körfuknattleiksdeild Þórs Þorlákshöfn hefur framlengt samning sinn við framherjann Jordan Semple út næsta tímabil.
Jordan kom til Þórs í janúar frá KR og hafði strax mjög góð áhrif á liðið og lét til sín taka í vörninni. Hann skoraði 13 stig að meðaltali fyrir Þór, tók 8 fráköst og gaf 3 stoðsendingar, auk þess að verja flest skot allra leikmanna í deildinni.
Það var mikil ánægja með frammistöðu Jordan í herbúðum Þórs í vetur og eftir því sem sunnlenska.is kemst næst er hann fyrsti erlendi leikmaðurinn til að spila fleiri en eitt tímabil fyrir Þór frá því Lárus Jónsson tók við stjórn liðsins.