Aðalfundur blakdeildar Hamars fór fram í Skólamörkinni í gær. Góð mæting var á fundinum.
Veittar voru viðurkenningar fyrir vel unnin störf á árinu og hlaut Sigrún Kristjánsdóttir viðurkenningu fyrir framúrskarandi starf sem sóttvarnafulltrúi Blakdeildarinnar. Elva Gunnlaugsdóttir hlaut viðurkenningu fyrir góða ástundun og mætingu og Barbara Meyer og Jakub Madej voru valin blakmenn ársins 2020.
Jakub gekk til liðs við Hamar síðasta sumar og hefur spilað alla leiki síðan og verið stigahæsti leikmaðurinn í þremur af fjórum leikjum. Hann var meðal annars valinn maður leiksins (MVP) í leik á móti Aftureldingu. Fjórir erlendir leikmenn spila með úrvalsdeildarliði Hamars og voru þeir að sjálfsögðu allir mættir á aðalfundinn, eins og sjá má á mynd hér að neðan.
Stjórn Blakdeildarinnar skipa Barbara Meyer, formaður, Anna Mazurek meðstjórnandi, Andri Þ. Ásgeirsson, gjaldkeri, Greta Sverrisdóttir, meðstjórnandi og Ingi B. Ingason, meðstjórnandi. Fyrir utan venjuleg aðalfundastjörf var kosið í stjórn og hlutu allir stjórnarmenn endurkosningu.
