Ægir tók á móti Berserkjum í botnbaráttu 3. deildar karla í knattspyrnu í kvöld. Liðin skildu jöfn, 2-2.
Berserkir komust yfir á 10. mínútu en Jonathan Hood jafnaði fimm mínútum síðar fyrir Ægi. Milan Djurovic kom Ægismönnum síðan í 2-1 á 37. mínútu en Berserkir náðu að jafna aðeins mínútu síðar.
Staðan var 2-2 í hálfleik og seinni hálfleikurinn var markalaus þrátt fyrir ágætar sóknir beggja liða.
Ægir er í 7. sæti deildarinnar með 6 stig en Berserkir í 9. sætinu með 4 stig.