KFR heimsótti ÍR í Breiðholtið í 2. deild kvenna í knattspyrnu í kvöld. Liðin eru á svipuðum stað á töflunni og því var von á hörkuleik.
Sú varð líka raunin, ÍR komst yfir á 16. mínútu en Soffía Náttsól Andradóttir jafnaði með glæsimarki á 35. mínútu.
Staðan var 1-1 í hálfleik og þær urðu líka lokatölur leiksins því seinni hálfleikurinn var markalaus þrátt fyrir efnilegar sóknir beggja liða.
KFR er áfram í 9. sæti deildarinnar með 8 stig og ÍR í því 10. með 5 stig.