Selfoss hafnaði í 5. sæti í 1. deild kvenna í knattspyrnu en lokaumferðin var spiluð í dag. Selfoss heimsótti FHL á Egilsstaði og lauk leiknum með 1-1 jafntefli.
FHL komst yfir á 21. mínútu en Embla Dís Gunnarsdóttir jafnaði rúmum tíu mínútum síðar og þar við sat.
Seinni hálfleikurinn var markalaus þrátt fyrir fínar sóknir beggja liða og liðin skiptu með sér stigunum.
Selfoss lauk keppni með 30 stig í 5. sæti, með jafn mörg stig og HK í 4. sætinu. Grótta hafði þegar tryggt sér sigur í deildinni en KR fylgir þeim upp eftir sigur í lokaumferðinni í dag.