Jafnt hjá Selfossi og Haukum

Selfoss og Haukar gerðu 26-26 jafntefli á öðrum leikdegi Ragnarsmóts kvenna í handbolta í Vallaskóla á Selfossi í kvöld.

Selfoss leiddi 13-10 í hálfleik.

Hrafnhildur Hanna Þrastardóttir var markahæst Selfyssinga með 8 mörk, Adina Ghidoarca skoraði 5, Carmen Palamariu 4, Perla Albertsdóttir 3, Tinna Soffía Traustadóttir og Margrét Jónsdóttir 2 og þær Hulda Þrastardóttir og Arna Kristín Einarsdóttir skoruðu sitt markið hvor.

María Pereira var markahæst Hauka með 7 mörk.

Í hinum leik dagsins vann Valur Fylki 32-29 en Valur leiddi 16-14 í hálfleik. Kristín Guðmundsdóttir og Diana Šatkauskaitė skoruðu 7 mörk fyrir val en Christine Rishaug skoraði 16 mörk fyrir Fylki

Á morgun mætast Selfoss og Valur kl. 18:00 og Fylkir og Haukar kl. 20:00.