Knattspyrnudeild Selfoss hefur samið við Ivan Paponja um að leika með liðinu á komandi tímabili.
Ivan er 28 ára Króati sem kom hingað til lands árið 2023 en frá þeim tíma hefur hann leikið með Sindra og á tímabili undir stjórn Óla Stefáns Flóventssonar, núverandi þjálfara Selfoss. Í tilkynningu frá Selfyssingums segir að Ivan sé afar fjölhæfur leikmaður sem geti svo gott sem leyst flestar stöður á vellinum. Þó megi teljast ólíklegt að áhorfendur sjái hann á milli stanganna í sumar.
„Ivan er öflugur leikmaður sem hefur síðustu þrjú ár spilað með Sindra þar sem hann hefur verið fyrirliði og einn þeirra allra besti leikmaður. Ivan er tæknilega góður, fljótur og kröftugur leikmaður sem getur leyst nánast allar stöður á vellinum,“ segir Óli Stefán, þjálfari Selfoss.