Ísold Assa Guðmundsdóttir, Umf. Selfoss, tryggði sér Íslandsmeistaratitilinn í sjöþraut í flokki 16-17 ára stúlkna á Meistaramóti Íslands í fjölþrautum sem haldið var á Akureyri um síðustu helgi.
Ísold Assa bætti sig í þrautinni og hlaut 3.156 stig. Hún vann sex af sjö keppnisgreinum og bætti sinn besta árangur í kúluvarpi, þar sem hún kastaði 11,50 m og í 100 m grindahlaupi, sem hún hljóp á 18,67 sek.