Íslandsglíman fer fram í íþróttahúsinu á Laugarvatni laugardaginn 13. apríl klukkan 13:00, þá í hundraðasta og þrettánda skipti.
Í kvennaflokki er keppt um Freyjumenið en hlýtur sigurvegarinn sæmdarheitið Glímudrottning Íslands. Í karlaflokki er keppt um Grettisbeltið, elsta verðlaunagrip á Íslandi, og hlýtur sigurvegarinn sæmdarheitið Glímukóngur Íslands.
Skráningar á mótið skulu berast fyrir sunnudaginn 7. apríl á netfangið gli@glima.is og með skráningu skal fylgja fullt nafn og félag.
Að kvöldi þessa sama laugardags verður Lokahóf Glímusambands Íslands haldið í Héraðsskólanum á Laugarvatni.