KFR fékk ÍR í heimsókn í C-úrslitum 2. deildar kvenna í knattspyrnu í gær. Gestirnir reyndust sterkari og urðu lokatölur á Hvolsvelli 0-5.
Leikurinn var í járnum í fyrri hálfleik en ÍR komst yfir á 34. mínútu og staðan var 0-1 í hálfleik.
Síðustu 25 mínútur leiksins fór að halla verulega undan fæti hjá KFR. ÍR skoraði tvö mörk með stuttu millibili um miðjan seinni hálfleikinn og gestirnir bættu svo við tveimur mörkum til viðbótar á síðustu fimm mínútum leiksins.
Staðan í C-úrslitunum er þannig að ÍR og KFR eru efst með 11 stig en ÍR hefur mun betra markahlutfall. Þar fyrir neðan eru Álftanes og Smári en næsti leikur KFR er einmitt gegn Álftanesi á útivelli á næsta laugardag.