Taekwondosamband Íslands hefur valið Ingibjörgu Erlu Grétarsdóttur úr Umf. Selfoss taekwondokonu ársins 2015.
Ingibjörg Erla hefur náð einstökum árangri á mótum erlendis á árinu en hæst hæst bar silfurverðlaun á gríðarlega sterku móti, Serbian Open, sem er hluti af stigamótaröð Alþjóða Taekwondosambandsins, WTF. Þetta er í fyrsta skipti sem íslensk kona vinnur til verðlauna á mótaröðinni, þar sem saman kemur sterkasta taekwondofólk heimsins hverju sinni.
Meðal annarra afreka Ingibjargar Erlu á árinu má nefna að varði bæði Íslands- og Norðurlandameistaratitil sinn á árinu. Ingibjörg Erla er okkar allra besta bardagakona í taekwondo um þessar mundir og mun hún um miðjan janúar keppa í Tyrklandi á lokaúrtökum fyrir Ólympíuleikana sem haldnir verða í Ríó í Brasilíu næsta sumar.