Selfoss heimsótti ÍBV í úrvalsdeild karla í handbolta í kvöld. Jafnræði var með liðunum en Eyjamenn reyndust sterkari undir lokin og 30-27.
ÍBV hafði frumkvæðið stærstan hluta fyrri hálfleiks en Selfyssingar áttu góðan endasprett, náðu að jafna 10-10 þegar rúmar fjórar mínútur voru til leikhlés og staðan var 13-14 í hálfleik, þeim vínrauðu í vil.
Selfoss leiddi með tveimur mörkum framan af seinni hálfleiknum en um hann miðjan náði ÍBV að jafna 20-20. Leikurinn var í járnum í kjölfarið en smám saman fóru hlutirnir að falla Eyjamönnum í vil og þeir voru komnir með fjögurra marka forskot þegar rúmar fjórar mínútur voru eftir af leiknum. Selfoss náði að minnka muninn í tvö mörk undir lokin en sigur Eyjamanna var ekki í hættu.
Hákon Garri Gestsson var markahæstur Selfyssinga með 8 mörk, Valdimar Örn Ingvarsson skoraði 4, Anton Breki Hjaltason, Guðjón Baldur Ómarsson og Sveinn Ísak Hauksson 3, Haukur Páll Hallgrímsson 2 og þeir Ragnar Hilmarsson, Arnar Daði Brynjarsson, Árni Ísleifsson og Tryggvi Sigurberg Traustason skoruðu allir 1 mark. Alexander Hrafnkelsson átti góðan leik í marki Selfoss, varði 17 skot og var með 38% markvörslu og Ísak Kristinn Jónsson varði 1 skot og var með 100% markvörslu.
Þetta var fyrsti sigur Eyjamanna í vetur, liðið er með 2 stig í 8. sæti en Selfoss er enn án stiga í 10. sæti.