ÍBV sigraði Selfoss í Suðurlandsslag á Ragnarsmóti karla í handbolta í gærkvöldi, 22-31.
Jafnræði var með liðunum lengi framan af fyrri hálfleik en ÍBV jók forskotið á lokamínútunum og leiddi 10-14 í hálfleik. Eyjamenn settu svo í gírinn í seinni hálfleiknum og juku forskotið jafnt og þétt.
Tryggvi Sigurberg Traustason var markahæstur Selfyssinga með 4 mörk, Elvar Elí Hallgrímsson, Kári Einarsson og Ragnar Hilmarsson skoruðu 3, Arnar Daði Brynjarsson 2 og þeir Skarphéðinn Steinn Sveinsson, Aron Leo Guðmundsson, Valdimar Örn Ingvarsson, Jónas Karl Gunnlaugsson og Philipp Seidemann skoruðu allir 1 mark.
Í kvennaleik gærdagsins sigraði ÍBV KA/Þór 28-23.
Mótinu lýkur í dag með tveimur leikjum. Það er annars vegar leikur Selfoss og KA/Þórs í kvennaflokki klukkan 12 og ÍBV og ÍR mætast síðan í karlaflokki klukkan 14.