Í dag var dregið í 32-liða úrslit Powerade-bikarsins í körfubolta. Hrunamenn sem leika í 2. deildinni fá stórleik á heimavelli gegn Íslandsmeisturum KR.
Þeir Kolbeinn Pálsson og Þórir Magnússon sáu um að draga en þeir eru margfaldir bikarmeistarar og í Körfuboltafjölskyldunni.
Hrunamenn mæta KR-ingum, Þórsarar heimsækja 1. deildarlið KFÍ á Ísafirði, FSu fær úrvalsdeildarlið Keflavíkur í heimsókn og Hamar sækir 2. deildarlið Álftaness heim.
Leikdagar eru dagana 31. október til 3. nóvember.