Hrafnhildur valin íþróttamaður ársins

Hrafnhildur Hauksdóttir, knattspyrnukona úr Umf. Selfoss, var valin íþróttamaður ársins 2014 í Rangárþingi eystra. Valið var kynnt á 17. júní hátíðinni á Hvolsvelli.

Fjórir voru tilnefndir en auk Hrafnhildar voru það María Rósa Einarsdóttir, Íþróttafélaginu Dímon, Andri Már Óskarsson, GHR og Guðbergur Baldursson, Knattspyrnufélagi Rangæinga.

Hrafnhildur 20 leiki með Selfyssingum í Pepsi-deildinni og Borgunarbikarnum í fyrra. Lið Selfoss fékk silfurverðlaun í bikarkeppni KSÍ og endaði í 4. sæti á Íslandsmótinu. Hrafnhildur lék einnig átta leiki með U-19 ára landsliði Íslands og var fyrirliði í þremur þeirra.

Í umsögn um Hrafnhildi kemur fram að hún er frábær íþróttamaður og góð fyrirmynd fyrir unga sem aldna. Hrafnhildur hlaut auk eigna- og farandbikar, gjafabréf í Intersport og árskort í sund og líkamsrækt á Hvolsvelli.

Það var Ólafur Örn Oddsson sem kynnti og afhenti bikarinn.