Handknattleikskonan Hrafnhildur Hanna Þrastardóttir frá Selfossi hefur samið við franska úrvalsdeildarliðið Bourg-de-Péage Drôme Handball.
Hrafnhildur er komin til Frakklands og hóf æfingar með liðinu í gær. Franska deildin er ein sú sterkasta í heimi enda Frakkar heimsmeistarar og margar franskar landsliðskonur spila með toppliðunum í heimalandinu.
Hrafnhildur Hanna, sem er 24 ára gömul, hefur leikið með uppeldisfélagi sínu Selfossi frá árinu 2011 og verið algjör lykilmaður hjá liðinu og einn allra besti leikmaður úrvalsdeildarinnar. Hún var markahæsti leikmaður Olísdeildarinnar 2015 til 2017 og hefur spilað með íslenska landsliðinu frá árinu 2014 þar sem hún hefur skorað 47 mörk í 22 leikjum.