Hrafnhildur Hanna og Guðjón leikmenn ársins

Það var mikið um dýrðir hjá handboltafólki á Selfossi um síðastliðna helgina en þá var glæsilegt lokahóf deildarinnar haldið á Hótel Selfossi.

Hjá meistaraflokki kvenna var Harpa Sólveig Brynjarsdóttir valin efnilegust, Carmen Palamariu valin besti sóknarmaðurinn, Kristrún Steinþórsdóttir valin varnarmaður ársins, Margrét Katrín Jónsdóttir fékk baráttubikarinn og Hrafnhildur Hanna Þrastardóttir var markahæst og leikmaður ársins.

Hjá meistaraflokki karla var Andri Már Sveinsson markahæstur, Sverrir Pálsson var valinn besti varnarmaðurinn, Alexander Már Egan var efnilegastur, Matthías Örn Halldórsson fékk baráttubikarinn og Guðjón Ágústsson var valinn sóknarmaður ársins sem og leikmaður ársins.

Hjá 2. flokki karla var Árni Guðmundsson valinn efnilegastur og Jóhannes Snær Eiríksson leikmaður ársins.

Eins og venja er þá var valinn félagi ársins, ener sá einstaklingur sem hefur unnið mikið og óeigingjarnt starf fyrir félagið. Tveir aðilar hlutu þennan heiður en það voru Sverrir Einarsson og Sigrún Helga Einarsdóttir.