Hrafnhildur Hanna Þrastardóttir rakaði inn verðlaunum á lokahófi Handknattleikssambands Íslands sem haldið var í Gullhömrum í Grafarvogi í gærkvöldi.
Hanna fékk þrenn verðlaun; markahæsti leikmaður Olísdeildar kvenna með 159 mörk, besti sóknarmaður Olísdeildarinnar og einnig var hún valin í úrvalslið Olísdeildar kvenna í stöðu vinstri skyttu.
Selfyssingurinn Janus Daði Smárason, sem leikur með Íslandsmeisturum Hauka, var valinn í úrvalslið karla í stöðu leikstjórnanda.