Hólmfríður Magnúsdóttir, leikmaður bikarmeistara Selfoss í knattspyrnu, verður frá keppni næstu vikurnar eftir að hún kinnbeinsbrotnaði á æfingu síðastliðinn sunnudag.
Hólmfríður lenti í samstuði á æfingunni með þessum afleiðingum. Alfreð Elías Jóhannsson, þjálfari Selfoss, staðfesti þetta í samtali við sunnlenska.is.
Þetta er mikil blóðtaka fyrir Selfossliðið en Hólmfríður var ekki í leikmannahópi liðsins sem mætir ÍBV í dag og verður væntanlega frá í einhverjar vikur.