Hólmfríður meðal tíu efstu

Knattspyrnukonan Hólmfríður Magnúsdóttir frá Uxahrygg á Rangárvöllum er meðal tíu efstu í kjörinu á íþróttamanni ársins 2010.

Í viðtali við Hólmfríði í Sunnlenska fréttablaðinu í dag lýsir hún því hvernig markmið hennar og draumar hafa ræst en hún er lykilmaður í einu sterkasta liði bandarísku atvinnukvennadeildarinnar í knattspyrnu, Philadelphia Independence.

Íþróttamaður ársins 2010 verður útnefndur þann 5. janúar n.k. á árlegu hófi íþróttafréttamanna og ÍSÍ. Að þessu sinni er kosið um nafnbótina í 55. sinn, en hana hlaut Vilhjálmur Einarsson fyrstur allra árið 1956.

Listi tíu efstu í stafrófsröð:

Alexander Petersson, handknattleiksmaður

Arnór Atlason, handknattleiksmaður

Aron Pálmarsson, handknattleiksmaður

Gylfi Þór Sigurðsson, knattspyrnumaður

Helga Margrét Þorsteinsdóttir, frjálsíþróttakona

Hlynur Bæringsson, körfuboltamaður

Hólmfríður Magnúsdóttir, knattspyrnukona

Hrafnhildur Lúthersdóttir, sundkona

Íris Mist Magnúsdóttir, fimleikakona

Ólafur Stefánsson, handknattleiksmaður.