Selfoss heimsótti HK í mikilvægum leik í neðri hluta úrvalsdeildar karla í handbolta í kvöld. HK menn voru sterkari þegar leið á leikinn og sigruðu að lokum 38-31.
Jafnt var á öllum tölum fyrstu sextán mínúturnar en þá skoraði HK þrjú mörk í röð og breytti stöðunni í 9-6. Staðan var 15-12 í hálfleik.
Selfoss byrjaði vel í seinni hálfleik og náði að minnka muninn í eitt mark en þá tóku HK menn við sér aftur og náðu fimm marka forskoti, 28-23. HK jók forskotið enn frekar á lokakaflanum og Selfyssingar náðu ekki að svara fyrir sig.
Hákon Garri Gestsson var markahæstur Selfyssinga með 10 mörk, Hannes Höskuldsson skoraði 8/4 mörk, Valdimar Örn Ingvarsson 3, Tryggvi Sigurberg Traustason 3/1, Elvar Elí Hallgrímsson og Sölvi Svavarsson 2 og þeir Jason Dagur Þórisson, Guðjón Baldur Ómarsson og Árni Ísleifsson skoruðu allir 1 mark.
Alexander Hrafnkelsson varði 8 skot í marki Selfoss og var með 24% markvörslu og Philipp Seideman varði 4 skot og var með 25% markvörslu.
Selfoss er í 10. sæti deildarinnar með 11 stig en HK er í 8. sæti með 14 stig.