KFR tók á móti Einherja frá Vopnafirði í 2. deild kvenna í knattspyrnu á Hvolsvelli í dag. Gestirnir höfðu mikla yfirburði og sigruðu 0-12.
Staðan var 0-3 í hálfleik en Einherji lék við hvern sinn fingur í seinni hálfleiknum og raðaði inn mörkum. Steininn tók úr síðustu tíu mínúturnar þegar Vopnfirðingar skoruðu fimm mörk á stuttum tíma.
KFR er áfram í 11. sæti deildarinnar með 1 stig en Einherji er í 2. sæti með 21 stig.