Hildur Eva Bragadóttir skrifaði á dögunum undir sinn fyrsta samning við knattspyrnudeild Selfoss. Samningurinn gildir til þriggja ára.
Hildur Eva, sem er 15 ára gömul, lék sína fyrstu leiki með meistaraflokki síðasta sumar og hefur síðan þá fest sig í sessi sem mikilvægur leikmaður liðsins. Í sumar hefur hún leikið flesta leiki liðsins og staðið vaktina í hjarta varnarinnar.
Hildur á að baki landsleiki fyrir bæði U15 og U16 ára landslið Íslands.