Hamar/Þór tapaði 82-77 gegn Keflavík í undanúrslitum bikarkeppni kvenna í körfubolta í Smáranum í Kópavogi í kvöld.
Hamar/Þór byrjaði betur í leiknum, eftir að Keflavík hafði skorað fyrstu fjögur stigin gerðu þær sunnlensku 20-6 áhlaup og leiddu þá 10-20. Keflavík svaraði þá hraustlega fyrir sig og breytti stöðunni í 29-27. Hamar/Þór leiddi hins vegar í hálfleik, 36-38.
Þriðji leikhluti var í járnum en undir lok hans náði Keflavík sex stiga forskoti og staðan var 61-55 þegar fjórði leikhluti hófst. Hamar/Þór elti allan fjórða leikhluta og náði með hetjulegri baráttu að minnka muninn niður í þrjú stig á lokamínútunni en tíminn var of naumur og Keflavík fagnaði fimm stiga sigri og sæti í úrslitaleiknum.
Ana Clara Paz var besti maður vallarins, hún skoraði 34 stig fyrir Hamar/Þór og tók 5 fráköst. Jada Guinn var sömuleiðis atkvæðamikil með 17 stig, 12 fráköst og 6 stoðsendingar.
Keflavík-Hamar/Þór 82-77 (17-22, 19-16, 25-17, 21-22)
Tölfræði Hamars/Þórs: Ana Clara Paz 34/5 fráköst, Jada Guinn 17/12 fráköst/6 stoðsendingar, Jovana Markovic 12, Mariana Duran 8/7 fráköst/5 stoðsendingar, Bergdís Anna Magnúsdóttir 6.