Hellutorfæran um næstu helgi

Árni Kópsson á flúgjandi ferð. Ljósmynd/Aðsend ©GuggZ

Laugardaginn 4. maí kl. 11 hefst Sindratorfæran á Hellu. Mikil spenna er í fólki þar sem þetta er fyrsta umferð Íslandsmótsinns og upphaf keppnistímabilsinns.

Nítján keppendur er skráðir til leiks og ef keppenda listinn er skoðaður má þar sjá mörg ný nöfn. Þrír nýjir ökumenn eru í götubílaflokki og fimm í sérútbúnum, þar af tveir breskir keppendur sem koma á vegum TopGear og ætla að sýna Íslendingunum hvernig á að gera þetta.

Hver skrúfa skrúfuð tíu sinnum
Bílarnir eru búnir að taka breytingum í vetur, búið að skipta um vélar í einhverjum og sennilega búið að skrúfa hverja skrúfu tíu sinnum og bæta nokkrum við í hverjum einasta. Einhverjir á nýsmíðuðum bílum sem aldrei hafa sést áður og aðrir búnir að breyta það mikið að þeir eru óþekkjanlegir.

Þeir keppendur sem hafa verið að slást um titilinn undanfarin ár eru að sjálfsögðu á listanum. Íslandsmeistarinn Þór Þormar Pálson á Thor, Ingólfur Guðvarðarson á Guttanum, Geir Evert Grímsson og Haukur Viðar Einarsson og fleiri til í sérútbúnaflokknum. Steingrímur Bjarnason á Strumpnum situr hinsvegar einn gamalreyndur í götubílaflokknum með þrjá nýliða með sér.

Áin og mýrin á sínum stað
Akstursíþróttasvæði Flugbjörgunarsveitarinnar á Hellu er rétt austan Hellu og hefur sjaldan litið betur út. Búið að leggja mikin metnað í svæðið og brautirnar. Áin og mýrin verða að sjálfsögðu á sínum stað auk brauta í börðum og sandbrekkum og mjög hraðri tímabraut þar sem oft verða mikil tilþrif. 

Flugbjörgunarsveitin á Hellu hefur haldið keppnina nær óslitið síðan 1974 og því engir nýgræðingar í því hvernig á að gera gott mót. Torfæran er áhorfendavæn, fjölskylduvæn og bráðskemmtileg með mikið fyrir augað og eyrað.