Hekla ráðin landsliðsþjálfari U21

Hekla og Kristinn Skúlason, formaður Landsliðsnefndar LH, undirrita samninginn. Ljósmynd/Aðsend

Rangæingurinn Hekla Katharína Kristinsdóttir hefur verið ráðin landsliðsþjálfari U-21 landsliðshóps Landssambands hestamannafélaga frá 1. janúar næstkomandi.

Hekla útskrifaðist sem reiðkennari frá Háskólanum á Hólum árið 2012 og starfar við þjálfun og reiðkennslu á Árbæjarhjáleigu í Rangárþingi ytra. Hekla hefur átt farsælan keppnisferil frá barnsaldri og er virkur dómari hjá GDLH.

Arnar Bjarki Sigurðsson fráfarandi U-21 landsliðsþjálfari tekur við starfi aðstoðarþjálfara A-landsliðs frá áramótum.

Í tilkynningu frá LH er Hekla boðin velkomin til starfa og Arnar Bjarki velkominn til áframhaldandi starfa við landsliðsteymi LH.