Hekla Þöll Stefánsdóttir, Umf. Selfoss, tryggði sér Íslandsmeistaratitilinn í sínum beltaflokki þegar Taekwondosambandið hélt Íslandsmótið í formum (poomse) um síðustu helgi í Reykjavík.
Selfoss átti fjóra keppendur á mótinu og stóðu þeir sig frábærlega. Hekla Þöll sigraði í einstaklingsformi í sínum beltaflokki en þess má geta að fyrr á árinu varð hún einnig Íslandsmeistari í bardaga (sparring).
Einnig hlaut Hekla Þöll, ásamt Ísak Mána Stefánssyni, Dagnýju Maríu Pétursdóttur og Sigríði Evu Guðmundsdóttir bronsverðlaun í hópaformi.
Það er því óhætt að segja að iðkendur frá Umf. Selfoss hafi staðið sig með stakri prýði, þar sem þeir unnu allir keppendur til verðlauna.