Kvennalið Selfoss heimsótti Þrótt í Laugardalinn í A-deild Lengjubikarsins í knattspyrnu í dag.
Þróttarar gerðu út um leikinn í fyrri hálfleik en Katla Tryggvadóttir kom þeim yfir strax eftir þrjár mínútur og hún bætti svo við öðru marki á 25. mínútu. Jelena Tinna Kujundzic tryggði Þrótti svo 3-0 sigur mínútu fyrir leikhlé.
Staðan í A-deildinni er þannig að Selfoss er í 3. sæti með 3 stig en Þróttur er í toppsætinu með 9 stig og markatöluna 16-0.