Selfoss tók á móti Haukum í kvöld í öðrum leik liðanna í umspili um sæti í úrvalsdeild karla í körfubolta. Eftir hörkuleik höfðu Haukarnir betur, 95-100, og jöfnuðu 1-1 í einvíginu.
Fyrsti leikhluti var jafn en í 2. leikhluta skoruðu Haukar 38 stig og staðan í hálfleik var 42-54. Haukar héldu áfram að þjarma að Selfyssingum í 3. leikhluta og í upphafi þess fjórða var staðan 67-80. Þá kom frábær kafli Selfyssinga sem náðu að minnka muninn í 95-97 á lokamínútunni. Haukar áttu hins vegar lokaorðið og tryggðu sér fimm stiga sigur.
Kristijan Vladovic var stigahæstur Selfyssinga með 30 stig en Collin Pryor var framlagshæstur með 26 stig, 8 frákost og 5 stoðsendingar.
Næsti leikur liðanna verður á laugardaginn kl. 17 á Ásvöllum.
Selfoss-Haukar 95-100 (17-16, 25-38, 23-28, 30-18)
Tölfræði Selfoss: Kristijan Vladovic 30/7 stoðsendingar, Collin Pryor 26/8 fráköst/5 stoðsendingar, Steven Lyles 18/8 fráköst, Ari Hrannar Bjarmason 8/8 fráköst, Halldór Halldórsson 6, Tristan Máni Morthens 5, Óðinn Freyr Árnason 2.