Selfoss heimsótti topplið Hauka í úrvalsdeild kvenna í handknattleik í dag. Haukarnir reyndust fullstór biti fyrir Selfyssinga og fór svo að Hafnfirðingar sigruðu 35-26.
Haukar náðu forystunni eftir þrjár mínútur og létu hana ekki af hendi eftir það. Munurinn varð mestur níu mörk í fyrri hálfleik en staðan í leikhléi var 19-11.
Selfoss byrjaði betur í seinni hálfleik og minnkaði muninn í fimm mörk en þá stigu Haukarnir aftur á bensíngjöfina og forskoti þeirra var ekki ógnað.
Hulda Hrönn Bragadóttir skoraði 6 mörk fyrir Selfoss, Hulda Dís Þrastardóttir 6/2, Perla Ruth Albertsdóttir 5, Arna Kristín Einarsdóttir 4, Emelía Aðalsteinsdóttir 2, Malgorzata Trawczynska 2/1 og Sylvía Bjarnadóttir 1.
Selma Þóra Jóhannsdóttir varði 9 skot í marki Selfoss og var með 20% markvörslu.
Haukar eru á toppi deildarinnar með fullt hús stiga, 10 stig en Selfoss er í 8. sæti með 2 stig.