Selfoss heimsótti Hauka á Ásvelli í þriðja leik liðanna í umspili um sæti í úrvalsdeildinni í gærkvöldi. Enn og aftur var um jafnan leik að ræða og fór svo að Haukar unnu eins stigs sigur, 90-89 og leiða 2-1 í einvíginu.
Selfoss byrjaði af miklum krafti og komst í 9-22 en Haukarnir svöruðu fyrir sig og staðan var 18-25 að loknum 1. leikhluta. Jafnræði var með liðunum í 2. leikhluta en Selfoss var skrefinu á undan og þeir leiddu í hálfleik, 41-52.
Selfyssingar litu mjög vel út í upphafi seinni hálfleiks og voru komnir í 47-64 eftir rúmar fjórar mínútur. Þá fóru hlutirnir að fara á verri veg, Selfoss hætti að hitta og í upphafi 4. leikhluta komust Hauka yfir, 77-75. Haukarnir héldu áfram að nýta sér meðbyrinn og héldu forystunni til leiksloka. Selfoss átti síðustu sókn leiksins en hún fór í súginn og Haukarnir fögnuðu.
Liðin mætast næst í Vallaskóla á fimmtudaginn og þar þurfa Selfyssingar sigur til þess að tryggja sér oddaleik, en með sigri á fimmtudag fara Haukar áfram í 4-liða úrslit.
Steven Lyles var stigahæstur Selfyssinga með 24 stig en Collin Pryor var framlagshæstur með 21 stig og 12 fráköst.
Haukar-Selfoss 90-89 (18-25, 23-27, 25-20, 24-17)
Tölfræði Selfoss: Steven Lyles 24/6 fráköst, Kristijan Vladovic 22/10 stoðsendingar, Collin Pryor 21/12 fráköst, Tristan Máni Morthens 6, Ari Hrannar Bjarmason 5/5 fráköst, Gísli Steinn Hjaltason 5, Óðinn Freyr Árnason 3, Birkir Máni Sigurðarson 3, Halldór Halldórsson 4 fráköst.