Selfoss heimsótti topplið Hauka á Ásvelli í 1. deild kvenna í knattspyrnu í dag. Haukarnir höfðu betur eftir hörkuleik, 3-1.
Haukar skoruðu eina mark fyrri hálfleiks á 26. mínútu og staðan var 1-0 í leikhléi. Selfoss byrjaði betur í seinni hálfleik og JJ Paoletti jafnaði metin á 52. mínútu.
Staðan var 1-1 í rúmar tíu mínútur en þá sýndu Haukarnir klærnar aftur og breyttu stöðunni í 2-1 og heimakonur gerðu svo endanlega út um leikinn á 90. mínútu með þriðja markinu.
Eftir fjórar umferðir er Selfoss í 7. sæti með 4 stig en Haukar eru með fullt hús, 12 stig á toppnum.