Hamar/Þór beið afar svekkjandi tap í úrvalsdeild kvenna í körfubolta þegar Haukar komu í heimsókn í Þorlákshöfn í kvöld. Lokatölur urðu 85-88.
Leikurinn var hnífjafn í 1. leikhluta en í 2. leikhluta skriðu Haukar framúr og leiddu 37-45 í hálfleik. Munurinn jókst enn frekar í 3. leikhluta þar sem Haukar náðu 14 stiga forskoti en þær sunnlensku gerðu virkilega vel að koma sér inn í leikinn aftur. Hamar/Þór skoraði fyrstu sjö stigin í 4. leikhluta og komust yfir, 69-66.
Lokakaflinn var spennandi og liðin skiptust á um að hafa forystuna. Þegar tæpar þrjár mínútur voru eftir hafði Hamar/Þór sjö stiga forskot. Þá hikstaði sóknarleikurinn, Hamar/Þór skoraði aðeins eitt stig á lokamínútunum og Haukar tryggðu sér sigurinn með þriggja stiga körfu sex sekúndum fyrir leikslok.
Jada Guinn var stigahæst hjá Hamri með 32 stig, 10 fráköst og 8 stoðsendingar.
Hamar/Þór er í botnsæti deildarinnar með 2 stig en Haukar í 5. sæti með 18 stig.
Hamar/Þór-Haukar 85-88 (25-25, 12-20, 25-21, 23-22)
Tölfræði Hamars/Þórs: Jada Guinn 32/10 fráköst/8 stoðsendingar, Ana Clara Paz 26/7 fráköst, Jovana Markovic 9/4 fráköst, Mariana Duran 6/8 fráköst/9 stoðsendingar, Jóhanna Ýr Ágústsdóttir 6, Bergdís Anna Magnúsdóttir 6.