Hans Þór Hilmarsson, Hestamannafélaginu Geysi, var útnefndur íþróttamaður ársins 2025-206 í Rangárþingi eystra en verðlaunaafhendingin fór fram á Kjötsúpuhátíðinni um síðustu helgi.
Hans Þór átti afar sterkt keppnisár 2026 og náði góðum árangri á stærstu mótum ársins en hápunkturinn er efalaust sigur hans og Sindra frá Hjarðartúni í A-flokki gæðinga á Landsmóti hestamanna á Hólum. Þar stóðu þeir uppi sem Landsmótsmeistarar eftir glæsilega frammistöðu og hlutu 9,13 í einkunn.
Átta íþróttamenn voru tilnefndir í valinu en auk Hans Þórs voru það þau Elín Kristín Ellertsdóttir í skotfimi, Andri Már Óskarsson í golfi, Ívar Ylur Birkisson í frjálsum íþróttum, Helgi Valur Smárason og Védís Ösp Einarsdóttir í knattspyrnu og þær Sigríður Sigurjónsdóttir og Hulda Sigurjónsdóttir í kraftlyftingum.
Heilsu-, íþrótta- og æskulýðsnefnd fór vandlega yfir þær tilnefningar sem bárust í ár. Þar sem tveir hinna tilnefndu eiga jafnframt sæti í nefndinni voru varamenn kallaðir til svo að valferlið gæti farið fram með fullkomlega eðlilegum og faglegum hætti.